Ola! Que tal?
Hoxe ao meu colexio viñeron Manuel e Esteban, que tocan na banda de Barro.
Manuel é un mozo moi simpático e divertido, está sempre gastando bromas; está moi relacionado coa música, pois aparte de tocar na banda estudou Maxisterio Musical. De feito, estivo de prácticas no noso colexio fará uns tres anos. Aínda que toque na banda do meu pobo, non é veciño de Barro, pero case.
De esteban non vos podo contar moito porque prácticamente non o coñezo; só sei que é veciño de Barro, estudou no meu colexio e na banda toca a trompeta. Dixo a profe Claudia que xa de pequeño tiña talento musical e gustáballe moito a música.
Trouxeron o bombardino, a trompa e a trompeta. Desmontáronos e explicáronnos como se montan, como funcionan, tocaron...
A min Manuel mandoume saír para probar a trompeta. Hai que xuntar os beizos e facelos vibrar porque a súa boquilla ten forma de campá, como o seu pabellón.
Estes instrumentos pertencen á familia de vento metal.
Déixovos un vídeo para que escoitedes como soa :)
